Պատասխան – Սուրբ Հովհան Ոսկեբերանն ասում է. «Մարդասեր է Աստված և մեզ փրկության բազում ձևեր է ընձեռում: Այս բազմաթիվ ձևերի հետ նշված ճանապարհն էլ է բացել մեզ համար, որը բավական է առաքինության հրավիրելու համար` մեզ թողնելով Սրբերի նշխարները: Քանզի խոսքերի զորությունից հետո երկրորդ պատվո տեղում են Սրբերի շիրիմները, որոնք իրենց տեսնողների հոգիները միայն նախանձախնդրությամբ են բորբոքում: Եվ երբ որևէ մեկը մոտենում է այսպիսի մի տապանի, հենց նույն պահին, վերջինիս ազդեցության շնորհիվ, գեղեցիկ ճաշակ է ձեռք բերում, որովհետև տապանը տեսնելիս իր մեջ է ընդունում հոգին, հափշտակում այն, արթնացնում և այնպես է հիացնում, որ կարծես թե տապանի մեջ ամփոփվածը նրա հետ աղոթում է, նրա կողքին կանգնած է և միայն նրա՛ն է երևում» (Տե՛ս սուրբ Բաբելասին նվիրված ճառը):