Պատասխան – Սեղանի վրա դրված ընծաները խորհրդանշում են Քրիստոսին, իսկ սարկավագը, այս ասելով, ցանկանում է հասկացնել, թե` ով հավաքված ժողովուրդ, դուք պետք է միմյանց հանդեպ սիրով մի անձ դառնաք, և այդ սերը հայտնեք իրար` ողջույն տալով: Իսկ ովքեր միմյանց հանդեպ ոխ ունեն, թող եկեղեցուց դուրս գան և աղոթեն, որովհետև ոխակալներն արժանի չեն Սուրբ Խորհրդի դիմաց կանգնելուն: Ուստի այս ողջույնից հետո դպիրները, ժողովրդի փոխարեն, պատասխանում են` թշնամությունը հեռացել է մեզնից, սերը տարածվել է ամենքիս վրա և մեր գլխի` Հիսուս Քրիստոսի հետ միանալով` մի մարմին ենք դարձել: