Պատասխան – Սուրբ Գրիգոր Աստվածաբանն այսպես է ուսուցանում. «Անկեզ մորենիով ուրիշ ի՞նչ կարող ենք իմանալ, կամ թե ուրիշ ի՞նչ ցույց տվեց մեզ Աստված, եթե ոչ այն, ինչ դուրս էր գալու այդ ժողովրդից, որ աստվածության հրի մեջ էր, մեր մարմնի ցավերը, որ ընդունելու էինք իբրև մորենիների փշեր, և մեր մարդկային անվաճառելի գոյացությունը, որ ինքնըստինքյան աստվածության բոցի մեջ էր պահվելու», այսինքն՝ ինչպես մորենին էր վառվում, բայց չէր մոխրանում, նույնպես Քրիստոսի՝ մեզանից առած մարդկային բնությունը, որ աստվածային անձի հետ միավորվեց, նմանվեց մորենու փշի՝ չոչնչանալով Աստվածային Հրից:
Ո՜վ անճառելի զորության ամենահրաշ գործ, որ նախ զգալի օրինակներով է ցույց տալիս, որպեսզի հետագայում չկասկածենք:
Զորավոր Սուրբ Աստվածածին եկեղեցի