30 Մարտ, Քառասնորդական պահքի Ե կիրակի
Հայտնելու համար, որ ինքը կատարյալ մարդ է: Որովհետև, քանի դեռ մարմնավոր հայր չուներ, ճշմարիտ Որդի էր Աստծու և ճշմարիտ Աստված, բայց մարդկային ցեղի փրկության համար կույսից ծնվելով՝ ճշմարիտ մարդ լինելու համար իրեն Մարդու Որդի անվամբ է կոչում, ինչպես որ նրա մասին գրված է, թե Դավթի և Աբրահամի որդին է (Մատթ. 1), քանի որ նրանց ցեղից է մարմին առել: Այս պատճառով քարոզելու և հրաշագործելու ժամանակ երբեմն աստվածությունը և երբեմն մարդկությունն էր հայտնում, որովհետև եթե միայն Աստված լիներ, նրա մահն անկարելի կլիներ, իսկ եթե սոսկ մարդ լիներ, նրա մահվամբ մարդկությունը չէր կարող ազատվել մեղքից: Ինչպես որ սուրբ եկեղեցին է դավանում նրան, կատարյալ Աստված է և կատարյալ մարդ:
Զորավոր Սուրբ Աստվածածին եկեղեցի