Գրքեր
Որտե՞ղ էր Դրախտը:

Սուրբ Գրքում ընթերցում ենք, որ Դրախտը արևելյան կողմում՝ Եդեմ կոչված վայրում էր (Ծննդ. 2:8) և այն Հայաստանի Խնուս գավառի Բին-Գյոլ կոչված վայրին է համապատասխանում: Որովհետև Դրախտից դուրս եկող չորս գետերը, որոնք են Փիսոնը, Գեհոնը, Տիգրիսն ու Եփրատը, այդ կողմերի լեռների ստորոտներից են բխում: Փիսոնը, որը Ճորոխ գետն է, Բաբերդի լեռներից սկիզբ առնելով՝ Գյումուշխանի և Ջանիկոյի շրջակայքում պտույտ է գործում, որտեղ ոսկու, արծաթի և պղնձի հանքեր կան: Երկրորդը՝ Գեհոնը, որ Արազ գետն է, Եթովպիայի, կամ որ նույնն է Դավրեժի շրջակայքով է հոսում, քանի որ նախկինում այդ կողմերի բնակիչներին եթովպացի էին կոչում: Երրորդը՝ Տիգրիսը Շաթն է, որը դեպի Ասորեստան է հոսում, այսինքն Տիգրանակերտ և Մուսուլ քաղաքների շրջակայքը: Չորրորդը՝ Եփրատը, որը Մուրադ գետն է, Մշո գավառից անցնելով՝ հոսում և միանում է Տիգրիսին:

Եդեմական դրախտի որտեղ գտնվելը մի՛ հարցրու, այլ՝ երկնային դրախտի որտեղ լինելը, և թե ի՞նչ ճանապարհով և ի՞նչպես կարելի է այնտեղ մտնել, ահա այդ սովորիր: Քանզի Եդեմական դրախտ մտնողը դուրս եկավ, իսկ երկնային դրախտ մտնողը միշտ այնտեղ է մնում: Նաև հայտնի է, որ հանցանքի պատճառով մարդը դրախտից վտարվեց: Արդ, եթե հանցանքը մարդուն դրախտից վտարում է, Հիսուս Քրիստոսի շնորհով առաքինությունը մարդուն երկնային դրախտ՝ արքայություն է մտցնում:

 

Պողոս եպս. Ադրիանուպոլսեցի, «Զանազանութիւն հինգ դարուց», Հատոր Ա, Վաղարշապատ 1902

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․