Մի մարդ բնակություն հաստատեց սարի գագաթին, որտեղից զուլալ ջրով մի աղբյուր էր բխում: Մի անգամ գյուղ իջավ՝ գնումներ կատարելու և տեղացիների խոսակցությունը լսեց մոտակայքում հոսող մի մաքուր առվակի մասին: Մարդը սկսեց հարցուփորձ անել, թե ինչպես կարող է այդ հրաշալի առվակը գտնել: Եվ նրան բացատրեցին, որ պիտի գյուղից ներքև գտնվող ձորն իջնի, որտեղ այդ առվակն է հոսում:
- Իսկ դու որտե՞ղ ես ապրում,- հարցրեցին գյուղացիները:
- Սարի գագաթին,- պատասխանեց նա:
- Իսկ քո տան մոտ աղբյուր չկա՞:
- Կա:
- Այդ դեպքում ինչի՞դ է պետք առվակը, եթե այն վերևից՝ քո աղբյուրից է հոսում:
«պի՛նդ կառչիր հավիտենական կյանքից, որին կանչվեցիր» (Ա Տիմ. 6:13):
Ռուսերենից թարգմանությունը՝ Էմիլիա Ապիցարյանի
Զորավոր Սուրբ Աստվածածին եկեղեցի