Անսահման բարեգթություն

Անտիոքում Ալեքսանդր անունով մի պատրիարք կար՝ շատ ողորմած ու կարեկից ամենքի նկատմամբ: Մի անգամ, նրա գրագիրներից մեկը նրանից մի քանի ոսկե դրամ գողացավ ու Եգիպտոս փախավ: Բարբարոսներն այնտեղ բռնեցին այդ գրագրին ու իրենց երկրի խորքը տարան: Երանելի Ալեքսանդրն այդ մասին իմանալով՝ ութսունհինգ ոսկով փրկագնեց գերյալին:

Երբ գերին ետ վերադարձավ՝ պատրիարքն այնքան ողորմություն նրան շնորհեց, որ մարդիկ ասում էին. «Ոչ մի մեղք չի կարող Ալեքսանդրի բարեգթությանը հաղթել»:

Ռուսերենից թարգմանությունը՝ Էմիլիա Ապիցարյանի