Աշտանակը մեզ ծանոթ է մոմակալ անվանումով: Եկեղեցում այն ուրիշ անուններ էլ ունի՝ ճրագակալ, ջահակալ: Նրա վրա են դնում վառվող մոմերը: Աշտանակները դրվում են խորանում կամ բեմի վրա, գրակալի մոտ, Սուրբ Սեղանի վրա: Նկատի ունենալով Սուրբ Սեղանի մեծությունը, լինում են 7 կամ 13 հատ (12 առաքյալներ և մեկն էլ կենտրոնում՝ Քրիստոսը խորհրդանշող): Սովորաբար եկեղեցու բեմի երկու կողմում տեղադրվում են մեծ աշտանակներ, որոնք կոչվում են բեմի աշտանակներ:
Աշտանակները լինում են փայտից կամ տարբեր մետաղներից, տարբեր մեծության և ձևի: Գոյություն ունեն բազմաստեղյան աշտանակներ՝ մեկ բնի վրա երկու և ավելի թևերով՝ համապատասխան թվով մոմերի համար:
Զորավոր Սուրբ Աստվածածին եկեղեցի