Դեղատոմսը

Մի մարդ, գնում է բժշկի մոտ և գանգատվում, որ իրեն տրված դեղատոմսը չի օգնում: Բժիշկը մեկ այլ դեղատոմս է գրում և պատվիրում, որպեսզի սա հետևողականորեն օգտագործի: Մի քանի օր անց այս մարդը կրկին գալիս և ասում, որ այս դեղատոմսն էլ չի օգնում և բժշկի այն հարցին, թե դեղերն ինչպես է օգտագործում, պատասխանում է.

- Ամեն առավոտ կարդում եմ, թե ինչ դեղեր պիտի խմեմ, հետո որոշում եմ օրվա ընթացքում օգտագործել, բայց մոռանում եմ և այդպես շարունակ...

Բժիշկն ասում է.

-Բայց չէ՞ որ քեզ պատվիրել եմ, որ հենց ամեն առավոտ դեղերն օգտագործես, որպեսզի հիշողության կորուստդ վերականգնես...

Աստված մարդուն հոգու բժշկության դեղատոմս է տվել: Դրանք պատվիրաններն ու ավետարանական պատգամներն են, բայց արդյո՞ք օգտագործում ես դրանք, թե աշխարհով տարված մոռանում ես...

Հովհաննես Մանուկյան