Երկու շարք հերթ

Մի մարդ մահացավ ու Երկինք գնաց: Նա երկար կյանք էր ապրել ու այժմ կանգնել էր Երկնային դարպասների դիմաց:

Դարպասներին մոտենալով՝ տեսավ, որ հերթի երկու շարք է դեպի Երկինք տանում: Դրանցից մեկում երեք հոգի էին կանգնած, իսկ երկրորդը կիլոմետրերով էր ձգվում: Քանի որ չգիտեր, թե որ հերթը կանգնի՝ Պետրոս առաքյալին հարցրեց.

- Չգիտեմ, թե որ հերթը կանգնեմ: Ինչո՞ւ են որոշ մարդիկ կարճ հերթում, իսկ մյուսները՝ երկար:

Սուրբ Պետրոսը պատասխանեց.

- Այս երեք հոգանոց հերթը ցանկանում է Երկինքը զգալ ու իր հերթին է սպասում:

- Իսկ երկար հերթն ինչի՞ համար է:

- Օ՜, այստեղ կանգնած են այն մարդիկ, ովքեր ուզում են ամեն ինչ իմանալ Երկնքի մասին: Նրանք ուզում են նախ տեղեկություն հավաքել:

Ռուսերենից թարգմանությունը՝ Էմիլիա Ապիցարյանի