Գերաշնորհ Տ. Նավասարդ արք. Կճոյանի ծննդյան տարեդարձի առթիվ շնորհավորական ուղերձ

Գերաշնորհ Սրբազան Հայր,

ԱՀԹ Զորավոր Սուրբ Աստվածածին եկեղեցու քահանայից դասը և հավատավոր զավակները ի սրտե շնորհավորում են Ձերդ Սրբազնությանը՝ ծննդյան տարեդարձի առթիվ:

Սրբազան Հայր, Ձերդ Սրբազնության իմաստուն առաջնորդությամբ, տիրախնամ մեր թեմն իր արդյունավոր և նաև իր հոգենորոգ առաքելությունն է իրականացնում իր հավատավոր զավակների կյանքում: Որդիական ակնածանքով է լեցուն մեր զգացմունքները Ձեր անձի հանդեպ:

Իմաստուն և բարի տնտեսի նման պահպանում և արարում եք աստվածային արժեքները մեր եկեղեցու անդաստանում:

Ձեր անցած լուսավոր ճանապարհը լուսավոր կյանքի ուղենիշ է Ձեր հոգեզավակների համար: Ձեր օրինակը դարձել է մեր ծառայության և նվիրումի մղիչ ուժը, Ձեր խոսքը՝ «Գործելու ամենալավ ժամանակը երեկվա և վաղվա միջև է» դարձել է մեր նշանաբանը: 

Հայցում ենք Երկնավոր Տիրոջից քաջառողջ և շնորհափայլ բազում տարիներ Ձեր աստվածահաճո առաքելության՝ վասն շինութեան և վասն բարեկարգութեան Հայ Առաքելական Սուրբ Եկեղեցւոյ:

Որդիական խոնարհութեամբ  մատչիմք ի համբոյր Ձերդ Սրբազնութեան Սուրբ Աջոյն