23 Դեկտեմբեր, Բշ
Սիրելի հայորդիք,
Այսօր, հայոց ազգային բանակի 24-րդ ամյակի առիթով մեր աղոթքն ենք հղում առ Աստված, փառավորելով նրան.
Որ շնորհեց մեզ գոյատևելու իրավունք,
Մեր բազկին ամրություն, բայց և թույլի վրա այն չբանեցնելու հաստատակամություն,
Անսասան պահեց մեր հավատը փորձության պահին,
Օժտեց մեզ խաղաղասիրությամբ, թեև տվեց մարտնչելու, անգամ` հաղթելու ոգի
Ու ամենուր պահապան եղավ մեր հայոց բանակին:
Եվ շնորհավորում ենք ողջ հայ ազգին, որ կարողացավ անցյալի անազատության բեռը թոթափելով` կերտել կանոնավոր բանակ, որ դարձավ մեր խաղաղ գոյատևման զորեղ գրավականը:
Աստված պահապան հայոց բանակին այսօր և հավիտյանս: Ամեն:
Տեր Գրիգոր քհն. Գրիգորյան
Զորավոր Սուրբ Աստվածածին եկեղեցու հոգևոր հովիվ
Զորավոր Սուրբ Աստվածածին եկեղեցի