28 Նոյեմբեր, Եշ
Մի մարդ Ամբրոսիոս Օպտինացուն հարցրեց.
- Հա՛յր, ի՞նչ անեմ, ժլատություն եմ անում:
- Սկսիր տալ նախ այն, ինչ քեզ անհրաժեշտ չէ: Հետո ի վիճակի կլինես ավելի շատ տալու՝ նույնիսկ անհրաժեշտ բաներից քեզ զրկելով: Եվ կգա այն օրը, երբ պատրաստ կլինես տալու այն ամենն, ինչ ունես,- պատասխանեց ծերն ու մի առակ պատմեց,- Մի ճամփորդ մի գյուղ մտավ ու սկսեց ողորմություն խնդրել: Նա նախ մի ժլատ կնոջ դիմեց և կինն իր մաշված գլխաշորը տվեց նրան: Իսկ մեկ այլ կին չափսոսեց և բազմաթիվ լավ իրեր տվեց: Նոր էր հասցրել օտարականը նրանցից հեռանալ, երբ գյուղում հրդեհ բռնկվեց և ամեն ինչ այրվեց: Ճամփորդը շտապեց վերադառնալ և տուժածներին վերադարձրեց այն ամենն, ինչ տվել էին: Շատ տվողին շատ էլ վերադարձրեց, իսկ ժլատին՝ միայն նրա հնամաշ գլխաշորը:
Ռուսերենից թարգմանությունը՝ Էմիլիա Ապիցարյանի
Զորավոր Սուրբ Աստվածածին եկեղեցի