Կանթեղ

Կանթեղը արծաթից, պղնձից կամ գունավոր մետաղներից պատրաստված կիսակլոր աման է, որի մեջ դրվում է ձեթով լցված ապակե հարմարանք, ներսում՝ բամբակից կամ թելից պատրաստված պատրույգ: Ունենում են երեք շղթա, վերևի մասում էլ ամրացնելու մի օղ: Կանթեղների ներքևի մասում հաճախ կախված է լինում մի փոքր խաչ: Կանթեղները լինում են տարբեր չափերի՝ մեծ, փոքր, զարդարուն, պարզ:

Կանթեղները եկեղեցիներում ամրացնում են Սուրբ Սեղանի և սրբապատկերների առջև: Սուրբ Սեղանի առջև կախված կանթեղը անմար է՝ դրանով խորհրդանշելով հավատացյալների՝ աստվածային սիրով վառվող սրտից վերառաքվող աղոթքը, ինչպես նաև սրբերի անդադար բարեխոսությունը: