25 Նոյեմբեր, Բշ
Մի ծերի ունեցվածքն ու գրությունները գողացավ նրա դրացին: Ծերը, նույն պահին մտնելով և բացահայտելով կատարվածը, գնաց նրա մոտ՝ գանգատվելու՝ չգիտենալով, թե ո՛վ է գողը: Դրացին դեռևս չէր թաքցրել գողոնը: Տեսնելով իր կարասիները` ծերը դուրս եկավ` իբր թե բնական կարիքից դրդված, և այնքան հապաղեց, մինչև դրացին թաքցրեց իրերը, ապա ներս մտնելով՝ բոլորովին ուրիշ բաներից խոսեց և անտրտում գնաց իր տուն: Օրեր անց գողը բանտ ընկավ: Ծերը, վերցնելով հինգ ձու և հաց, գնաց նրան մխիթարելու` չգիտենալով բանտարկվելու պատճառը: Եվ դրացին, ընկնելով նրա ոտքերը, խոստովանեց հանցանքը: Ծերը, լսելով եղելությունը, ներեց նրան: Ծերը, գնալով ավագի մոտ, արձակել տվեց նրան՝ ի փառս մեր Քրիստոս Աստծո:
«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016
Զորավոր Սուրբ Աստվածածին եկեղեցի