25 Նոյեմբեր, Բշ
Հայրերից մեկն ասաց. «Խցերում երկու եղբայրներ կային, որոնք խռովեցին միմյանցից, և նրանցից մեկը, գնալով իր խուցը, խռովության պատճառով չկարողացավ հանգիստ գտնել: Եվ գնաց, որ ընկնի նրա առաջ, սակայն նա չբացեց դուռը: Եվ այս եղբայրը, գնալով հայր Ապոլոնի մոտ, պատմեց նրան, և ծերն ասաց նրան. «Միգուցե դու քեզ արդար ես համարում քո մտքում և եղբորդ ես մեղավոր կարծում, դրա համար էլ դուռը չի բացում: Այլ դու արա այնպես, ինչպես ես քեզ կասեմ. թեպետ նա մեղանչեց քո հանդեպ, բայց դու համոզիր քեզ, թե իբր դու ես մեղանչել նրա հանդեպ և արդարացրու քո եղբորը: Այդպես գնա նրա մոտ, և Աստված նրա սրտում սեր կդնի քո հանդեպ»: Եվ եղբայրն արեց այնպես, ինչպես ասաց ծերը, և այդպես գնաց ու բախեց դուռը: Երբ եղբայրն իմացավ, ելավ նրան ընդառաջ` նախքան եղբոր` իրենից ներողություն խնդրելը: Եվ Աստծո սիրով խաղաղություն հաստատվեց նրանց միջև»:
«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016
Զորավոր Սուրբ Աստվածածին եկեղեցի