Լռության արդյունքը

Մի մարդ գնաց անապատական ճգնավորի մոտ և հարցրեց.

- Լռության մեջ անցկացվող կյանքը քեզ ի՞նչ է սովորեցնում:

Ջրհորից ջուր հանող մենակյացն իր հյուրին պատասխանեց.

- Այս ջրհորի հատակին նայիր: Ի՞նչ ես տեսնում:

Տղամարդը նայեց ջրհորի մեջ ու ասաց.

- Ոչինչ էլ չեմ տեսնում:

Ճգնավորը որոշ ժամանակ անշարժ կանգնած մնաց, այնուհետև կրկին իր հյուրին դիմեց.

- Իսկ ա՞յժմ: Այժմ ի՞նչ ես տեսնում:

Տղամարդը նայեց և ասաց.

- Այժմ ինձ եմ տեսնում, իմ արտացոլանքը ջրում:

Ճգնավորը բացատրեց.

- Երբ ես դույլն իջեցրի, ջրի վրա ալիքներ հայտնվեցին: Իսկ այժմ ջուրը հանդարտ է: Լռության արդյունքն էլ այդպիսին է՝ մարդը գտնում է ինքն իրեն:

Ռուսերենից թարգմանությունը՝ Էմիլիա Ապիցարյանի