Մասնագետը

Տարբեր մասնագիտություններ ունեցող երիտասարդներ հավաքվում են և փորձում խմորից հաց պատրաստել, որը նրանց մոտ այնքան էլ լավ չի ստացվում: Իրենց ծանոթ փորձառու հացթուխներից մեկը նկատում է, գալիս, իր օգնությունն առաջարկում, սակայն այս մարդիկ մերժում են և, ընդհակառակը, իրենց խորհուրդներն առաջարկում հաց պատրաստելու վերաբերյալ: Արդյունքում սոված են մնում, որովհետև չեն կարողանում իրապես հաց պատրաստել, իսկ հացթուխը հեռանում է, երբ տեսնում է, որ փորձում են կիսատ-պռատ կերպով հաց պատրաստել սովորեցնել իրեն, այլ ոչ թե իր օգնությանը դիմել: Սոված մնացած մասնագետներից մեկն աղոթելով դիմում է Աստծուն.

- Մենք հմուտ մասնագետներ ենք և աստվածահաճո գործ ենք ուզում անել ու հաց պատրաստել, մյուս մարդկանց նաև հյուրասիրել, խնդիրն ինչո՞ւմն է, որ որոշ ժամանակ անց մեր նպատակը ձախողվում է:

Աստված պատասխանում է.

- Խնդիրը ձեր մեծամտությունն ու հոգու հպարտությունն է: Ձեզ համար մի հացթուխ ուղարկեցի, սակայն ձեր գիտությունն ու նախաձեռնությունն ավելին համարեցիք և Իմ կողմից ուղարկված մարդու խորհուրդները չլսեցիք:

Հովհաննես Մանուկյան