Հայր Թեոդորոս Փերմացու մասին ասում էին, թե երիտասարդ հասակում երեք Սուրբ Գիրք ստացավ և հայր Մակարիոսին ասաց. «Ինչպե՞ս վարվեմ, տե՛ր, պահե՞մ Գրքերն ինձ մոտ՝ իմ օգտի համար, որպեսզի կարդամ և ուրիշներին էլ տամ՝ ովքեր կկամենան կարդալ, թե՞ վաճառեմ դրանք և տամ աղքատներին»: Հայր Մակարիոսն ասաց նրան. «Առաջին երկու մտադրություններն էլ ազնիվ են, սակայն մեծագույնը անընչությունն է»: Լսելով այս՝ Հայր Թեոդորոսը շուտափույթ վաճառեց Գրքերը և տվեց աղքատներին:
«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016
Զորավոր Սուրբ Աստվածածին եկեղեցի