Ուշադիր եղիր

Մի հանքափոր մարգագետնի կենտրոնում այնպիսի մի հսկա փոս է փորում, որի միջից չի կարողանում դուրս գալ և օգնություն է կանչում:

Այդտեղով անցնող վանականը հարցնում է.

-Ինչո՞ւ ես այսպիսի ահռելի փոս փորել, իսկ այժմ շփոթմունքի մատնված չես կարողանում այդտեղից դուրս գալ:

Հանքափորը պատասխանում է.

-Ինձ ձեր ծեր վանահայրն ասաց, որ այստեղ ոսկի կա, ոսկի կա: Եթե այն ձեռք բերեմ, անհրաժեշտ դեղահաբեր կունենամ, և իմ երեխան կբժշկվի, սակայն արդեն մի քանի օր հողը փորում եմ, բայց որևէ ոսկի չեն գտնում:

Վանականը պատասխանում է.

-Ուշադի՛ր եղիր, թե Աստված ծեր վանահոր միջոցով քեզ ինչ է խորհուրդ տալիս: Անշուշտ, այստեղ ոսկի կա, սակայն քո արծաթասիրության պատճառով չլսեցիր, թե վանահայրն ինչ հուշեց և ասաց. այդ ոսկին չորս բոլորը ծաղկած խատուտիկներն են, որոնցով էլ անհրաժեշտ դեղահաբերն է հնարավոր պատրաստել, իսկ այն ոսկին, որը փնտրում ես, ինչքան էլ ունենաս, ո՛չ քեզ, ո՛չ էլ երեխայիդ կբժշի ու կփրկի…

Հովհաննես Մանուկյան