Գրքեր

Պահքի անբաժան ուղեկիցները

Զորավոր Ս. Աստվածածին եկեղեցու համայնքը, «Արև-երեխաներ» ՀԿ-ի հետ համատեղ, սոցիալական ծրագրերի շրջանակներում, շարունակում է աջակցել Դաունի համախտանիշ ունեցող երեխաներին: Մարտի 13-ին Զորավոր Ս. Աստվածածին եկեղեցու հոգևոր հովիվ Տեր Գրիգոր քահանա Գրիգորյանն այցելեց Բարսեղյան ընտանիքին, ուր մեծանում է արև Սեյրանը (10 տ.): Սեյրանն իր քրոջ, ծնողների և տատիկի հետ բնակվում է Եղվարդ քաղաքի Շիրակի 4/28 հասցեում: Նա սովորում է Երևանի թիվ 12 հատուկ դպրոցում: Սեյրանը մեկ շաբաթ առաջ ծնոտի բարդ վիրահատություն է անցել, և ինչպես նշեց նրա մայրը՝ Վարդուհի Հարությունյանը (30տ.), երեխան մեկ ամիս հետո կրկին պետք է վիրահատվի: Բարսեղյան ընտանիքը ֆինանսական խնդիրների առջև է կանգնած: «Միայն սկեսուրս է աշխատում, ամուսինս առողջական խնդիրների պատճառով մշտական աշխատանք չունի, իսկ Սեյրանի բուժհետազոտությունների և վիրահատության գումարն ամբողջովին մենք ենք վճարել և դեռ պետք է վճարենք»,- ասաց Վարդուհին:

Տեր Գրիգորի հետ ծանոթացումը մեծ ուրախություն էր պատճառել Սեյրանին, Տեր Հայրը բժշկության աղոթք կարդաց և ընտանիքին հանձնեց դրամական օգնություն (160 000 դրամ), որ տրամադրել էր Ավագյան երիտասարդ ընտանիքը: Բարսեղյան ընտանիքն իր երախտագիտությունը հայտնեց աջակից Ավագյան ընտանիքին և «Արև-երեխաներ» ՀԿ-ին՝ ուշադրության ու հոգածության համար:

Քրիստոնյայի հոգևոր ուղին ամեն տարի նորոգվում է յուրահատուկ մի ճամփորդությամբ՝ Մեծ պահքի շրջանով: Իսկ պահքի անբաժան ուղեկիցներն են աղոթքն ու ողորմությունը՝ երեք կարևոր առաքինություններ, որ կազմում են հոգևոր կյանքի հիմքը. ողորմությունը օգնում է աղոթքին, պահքը՝ ողորմությանը: «Բարի են աղոթքները պահեցողություններով, ողորմություններով և արդարություններով»,- կարդում ենք Սուրբ Գրքում (Տոբիթ 12:7-8): Մեծագույն բարիք է նման պահեցողությունը, մեծագույն զենք թե՛ արդարի և թե՛ մեղավորի համար: Պահքն առանց ողորմության, առանց բարի գործերի նման է առանց ձեթի կանթեղի: «Դու տվեցիր արծաթ, բայց Ամենակարողի առջև ձեռք բերեցիր համարձակություն»,- ասել է Ս. Հովհան Ոսկեբերանը:

 

Կարինե Սուգիկյան

13.03.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․