25 Նոյեմբեր, Բշ
Պանակեն եպիսկոպոսական կրծքի զարդ է՝ ձվաձև մի տուփ, որի մեջ դրված են լինում սրբերի մասունքներ: Այն լանջախաչի նման պատվանշան է, որ կրում են շղթայով:
Քանի որ պանակեն հունարեն panagia բառն է, որ նշանակում է Աստվածածին, այդ պատճառով այս զարդը արտաքին կողմից սովորաբար կրում է Աստվածամոր սրբապատկերը և կոչվում պանակե: Շուրջը զարդարված է ակներով, վերևի մասում թագի նման զարդ ունի, իսկ ներքևից կախված ունի երկու զարդ:
Շնորհվում է բոլոր եպիսկոպոսներին կաթողիկոսի կողմից:
Կախվելով նվիրապետի կրծքի վրա՝ պանակեն խորհրդանշում է նրա հավատը և սերն առ Աստված՝ ամբողջ սրտով:
Զորավոր Սուրբ Աստվածածին եկեղեցի