19 Մարտ, Գշ, Մեծ պահքի ԼԷ օր

Գրքեր

Պարանը

Մի մարդ՝ հուսահատ երկնքին է նայում ու ասում.

- Տե՛ր Աստված, մի՞թե այսքան անարժան մարդ եմ: Ամեն անգամ խոստանում եմ, որ այլևս նույն մեղքը չեմ գործի, բայց հաջորդ պահին կրկին նույն մեղքն եմ գործում: Ինչքա՞ն պիտի համբերես ու ներես ինձ...

Հայտնվում է Գաբրիել հրեշտակապետը, մոտենում մարդուն ու նրա գոտկատեղից մի երկար պարանով պինդ-պինդ կապում, իսկ պարանի մյուս հատվածն իր ձեռքում պահում:

Այդ ամենից զարմացած մարդը հարցնում է.

- Այս պարանով ինձ կապում ես, որպեսզի հասկանամ, որ այլևս ներո՞ւմ չունեմ:

Գաբրիել հրեշտակապետը պատասխանում է.

- Շուտով, ինչպես միշտ, գնալու ես և ուղիղ մի ճահճի մեջ ես ընկնելու: Հիսուս այս պարանով քեզ պիտի դուրս քաշի, հանի այդ ճահճից: Այս պարանը խորհրդանշում է Աստծո շնորհը, որ հավատքի ու ապաշխարության միջոցով քեզ ներում է շնորհում: Ինչքան հավատքդ մեծ լինի, այնքան պարանն ամուր կլինի, ինչքան հավատքդ թույլ լինի, պարանը դերձակի թելի կնմանվի:

Արդ, եթե հավատքով դեպի Աստծուն ես նայում, Քրիստոսի շնորհով Աստված քեզ միշտ կների ու ճահիճներից կհանի ու փրկի:

 

Հովհաննես Մանուկյան

13.04.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․