5 Ապրիլ, Շբ, Մեծ պահքի ԼԴ օր
Փիլոնը երկար զգեստ է, որը հոգևորականները՝ կաթողիկոսը, եպիսկոպոսները, վարդապետներն ու քահանաները, ժամերգության ժամանակ գցում են իրենց ուսերին, թիկնոցի տեսքով: Այս անթև վերարկուն, որ շուրջառի ձևով է, ծածկում է ամբողջ մարմինը՝ ուսերից մինչև ոտքերի վերջավորությունը՝ կրծքի վրա կոճկվելով ճարմանդով: Փիլոնը լինում է երկու տեսակ մետաքսի կտորից՝ սև և ծաղկյա: Սև, հասարակ փիլոնը օգտագործում են քահանաները և աբեղաները, իսկ ծաղկյա փիլոնները՝ վարդապետները և որպես պարգև տարիների ծառայության դիմաց՝ արժանավոր քահանաները և աբեղաները: Բացի սև ծաղկյա փիլոններից լինում են նաև մանուշակագույն և վարդագույն ծաղկյա փիլոններ, որ կրում են ծայրագույն վարդապետները, եպիսկոպոսները, կաթողիկոսը:
Զորավոր Սուրբ Աստվածածին եկեղեցի