Այո՝,

Այո՝, միայն Աստված է բարի և Աստծո Որդին՝ Հիսուս Քրիստոսը, Որը Աստված է Դարձյալ բարի է և բարության ու սիրո մարմնացում:

Ավետարանի յուրաքանչյուր տողում մենք տեսնում ենք Հիսուս Քրիստոսի սերը, բարությունն ու ուշադրությունը մարդու հանդեպ: Քրիստոս աշխարհ եկավ Իր բարուրթյան դրսևորմամբ և կամենում էր մարդու համար բարիք գործել, այն է առաջնորդել դեպի փրկություն և դեպի հավիտենական կյանք:

Ձեր հարցը՝ «Ինչո՞ւ ես ինձ «Բարի» կոչում» (Ղուկ. 18:19) Ավետարանական այն հատվածից է, երբ մի մեծահարուստ իշխանավոր մոտենալով Հիսուսին հարցրեց. «Բարի Վարդապետ, ի՞նչ պիտի անեմ հավիտենական կյանք ժառանգելու համար»:

Այս հարուստ հրեան կամենում էր Քրիստոսին սիրաշահել, Նրան «Բարի» կոչելով, իսկ Հիսուսը հրեային նրա պատասխան է տալիս հարցնողի հավատքի, կամ մտածելակերպի համաձայն: Քանի որ հրեաները չէին հավատում Քրիստոսի Աստվածությանը, ուստի Քրիստոս երկխոսության ավարտին կոչ է անում ամեն ինչ վաճառել և աղքատներին տալով հետևել իրեն, հրեան տխրելով հեռացավ՝ այս մարդուն ավելի հետաքրքրում էր իր հարստությունը քան թե աստծո թագավորությունը:

Նա Քրիստոսին որպես մարդ մոտեցավ, որպես մի վարդապետ, ուստի Քրիստոս ի մտի ունենալով մարդուն և մարդկությունը և այն համեմատելով Աստծո Բարության հետ, պարզաբանեց ամբողջ ճշմարտությունը, թե Աստված է միայն Բարի և Բարության աղբյուր, իսկ մարդ ինքն իր բարիքն Աստծուց է ստանում: Մարդու իսկությունը, գոյությունը և ամենայն բարին և բարությունը, որ ունի Աստծուց է: