Պատասխան – Եթե մեղավորի սիրտն արժանապես պատրաստ գտնվի Աստծո կամքին, Աստծո կամքը միշտ կկատարվի: Իսկ եթե անպատրաստ գտնվի, Աստծո կամքը չի կատարվի: Այսպիսի կամքն աստվածաբան վարդապետները նախընթաց և հետևող կամք են անվանում: Նախընթաց կամքով Աստված կամենում է, որ բոլոր մարդիկ ապրեն և ճշմարտության ու գիտության հանգեն: Ա՛յս է Աստծո կողմից առաջադրված կամքը, որը Նա միշտ չի կատարում: Եթե միշտ կատարի, ապա մեր անձնիշխանությունը բռնության ձևի կվերածվի: Այս դեպքում Աստված ժողովրդին բռնությամբ փրկած կլինի, ինչը դեմ է արդարությանը: Նույնպես և չարը դատապարտելի չէր լինի: Մեղավորը կարող է ասել, թե Աստված թող իրեն ևս բռնությամբ արդարացնի: Բայց համաձայն հետևող կամքի, Աստված իր ուզածի համապատասխան պատրաստություն ունեցողներին կամենում է փրկել: Այս կամքն է, որ միշտ կատարվում է:
Զորավոր Սուրբ Աստվածածին եկեղեցի