Պատասխան – Ադամ անունն առաջին իմաստով հատուկ անուն է, իսկ երկրորդ իմաստով՝ հասարակ: Ուստի երկրորդ իմաստով Ադամ մարդ է նշանակում: Քանի որ մարդ բառն ընդհանուր է թե՛ տղամարդու, թե՛ կնոջ համար, ուստի ընդհանուր է նաև Ադամ բառը: Եբրայերենում հանդիպում ենք Ադամ բառի Ադամա ձևին, որ նշանակում է հող՝ հողից: Հետևաբար ասել Եվա կամ Ադամ՝ նույնն է, այսինքն՝ նշանակում է մարդ, որ է հող: Աստված երկուսին էլ մի անուն դրեց, որպեսզի կողակիցներն իմանան, թե երկուսով իրար հետ մեկ մարդ են՝ երկու մարմնի մեջ: Եվ ինչպես անունով են մեկ, նույնպես պետք է իրենց հոգով ու կամքով միավորվեն և մեկ հոգի ու մեկ կամք լինեն:
Զորավոր Սուրբ Աստվածածին եկեղեցի