Պատասխան - Թե՛ յոթանասնից և թե՛ մեր թարգմանիչներն այս մեկնությունն են տալիս. այսինքն՝ հանդիմանություն կամ Աստծո կամքի հայտնություն և ճշմարտություն ապագայի ու գաղտնիքների, որ Աստված հայտնում էր քահանայապետին այն խորհրդավոր տախտակի միջնորդությամբ: Դրա համար հրամայվեց քահանայապետին տախտակի վրա գրել այս երկու բառերը և միշտ ունենալ կրծքի վրա, երբ մտնի Սրբարան՝ կանգնելու Տիրոջ առջև: Մեր քահանաներն ու քահանայապետերը բարոյապես պետք է սովորեն՝ միշտ սրտում ունենալ Աստծո հրամանների հանդիմանությունը՝ ելնելով իրենց պաշտոնից և ճշմարտությամբ գործածեն թե՛ իրենց և թե՛ ժողովրդի համար: