Հարգելի Դիանա,

Հիսուս Քրիստոս ծնվել է Հրեաստանի Բեթղեհեմ քաղաքում:

Տիրոջ հրեշտակի խորհրդով Հիսուսի ծնողները իրենց մանկան հետ փախան Եգիպտոս, որովհետև Հերովդեսը փնտրում էր մանկանը՝ նրան սպանելու համար: Այսպես իրականացավ Աստծո խոսքը՝ ասված Ովսիա մարգարեի բերանով. «Եգիպտոսից կանչեցի Իմ Որդուն» (Ոս. 11:1): Հերովդեսի մահից հետո Տիրոջ հրեշտակը Եգիպտոսում երազի մեջ երևաց Հովսեփին և ասաց. «Վեր կաց, վերցրու մանկանն ու նրա մորը և վերադարձիր Իսրայելի երկիրը, որովհետև մանկանը սպանել ուզողները մեռան» (Մտթ. 2:19,20): 

Սուրբ Գիրքը վկայում է՝ Եգիպտոսից նրանք վերադարձան և բնակվեցին Նազարեթ քաղաքում: Հերովդեսին հաջորդեց նրա որդի Աղքեղայոսը, որը իշխել է մինչև Ք. հ. 6 թվականը, այսու կարծում ենք, որ մի քանի տարի մնացին Եգիպտոսում, ստույգ թիվ չենք կարող ասել, քանի որ ինչպես ձեզ է հայտնի Ս. Գրքում, որևէ տեղեկություն չկա այդ մասին: