Պատասխան – Այս փառքը մեկնիչները տարբեր կերպ են ընկալում: Ոմանք Աստվածային մտքի նախագաղափարներ են հասկանում, ոմանք` Քրիստոսի մարդկության փառքը, որ այլակերպությամբ ցույց տվեց, որոշները` Աստվածային Էությունը: Սակայն Կոռնելիոսն այս փառքով նկատի ունի այն հրեշտակին, որ կրում էր Աստվածային անձը և ամպով ծածկված` խոսում Մովսեսի հետ: Մովսեսը կամենում էր, որ այն ամպը վերցվի, և ինքը պարզապես տեսնի փառաց կերպը, որպեսզի այս պայծառ տեսությամբ կարողանա ժողովրդին քարոզել Աստծո փառքը: