22 Դեկտեմբեր, Հիսնակի Ե Կիրակի
Պատասխան – Երեք անձանց արտաքուստ կատարած բոլոր գործերը երեքի համար էլ ընդհանուր են, ինչպես վկայում են բոլոր աստվածաբանները: Հետևաբար, Որդու հետ դատում են նաև Հայրն ու Սուրբ Հոգին: Բայց ասում է, թե ամբողջ դատաստանը տվել է Որդուն, որովհետև դատաստանի օրը միայն Նա դատավորի կերպարանք պիտի ունենա, Ինքը միայն պիտի տեսանելի լինի՝ դատավորի աթոռին նստած, Ինքը միայն պիտի խոսի, և վերջում անդարձ վճիռ պիտի արձակի: Այս պատճառով է Սուրբ Ամբրոսիոսն ասում. «Ամբողջ դատաստանը Որդուն է տվել, տվել է արդարև ծնելով և ոչ թե առատաձեռնությամբ»: Իսկ Ոսկեբերանն ասում է. «Նրան է տվել ամբողջ դատաստանը, քանի որ իբրև դատավոր ծնեց Նրան»:
Զորավոր Սուրբ Աստվածածին եկեղեցի