Պատասխան – Երբ ասում են՝ փոփոխվում է, մի կարծիր, թե ինքն իրեն փոփոխվում է ըստ էության: Այլ փոփոխվում է ըստ ներգործության, այսինքն՝ ըստ իր պարգևների, քանզի տարբեր ժամանակներում փոխում է իր ներգործությունը, այլ ոչ թե ինքն է փոխվում: Ինչպես, օրինակ, Սուրբ Հոգին առաջին գերիներից Աբրահամին միայն արդարացրեց իր ազգի մեջ և բարեկամ դարձրեց: Երբ գերին ու ազգը փոխվեց, Մովսեսին, Սամուելին ու Դավթին մարգարե դարձրեց: Որոշ ժամանակ հետո առաքյալներին հաստատեց: Այսպես՝ ըստ գերիների և ազգերի փոփոխության, իր ներգործությունը ևս փոփոխվում է. մեկին մարգարե է դարձնում, մյուսին՝ վարդապետ, հովիվ, մարտիրոս, մյուսին էլ, ըստ կարգի, հրաշագործում է մինչև աշխարհի վերջը: Ինչպես որ մեր Փրկիչն է ասում Իր վարդապետության մեջ. <<Սուրբ Հոգին ձեզ հետ պիտի բնակվի և ձեզ հետ լինի հավիտյան>> (Հովհ. 14:16):
Զորավոր Սուրբ Աստվածածին եկեղեցի