Պատասխան – Այդպես չէ. անձնիշխանությունից դուրս չի գալիս, քանի որ այդ կամքի ստեղծողն Ինքն է, կամքը ևս ազատ է մնում՝ կամեցողի հետ միասին՝ գործունյա շարժողությամբ: Սուրբ Օգոստինոսը, այս մասին խոսելով, ասում է, թե Աստված չար կամքը փոխարկում է բարու, կամ մարդու սիրտը դեպի բարին դարձնում: Հայտնի է, որ այդ բարի գործը, որ մարդուն անել է տալիս, արդյունավոր է, և նրա փոխարեն պիտի վարձատրվի: Եթե այն գործողի ազատ կամքով կամ անձնիշխանությամբ չլիներ, այլ բռնությամբ, չպետք է վարձ ունենար կամ արդյունավոր լիներ: Եվ քանի որ արդյունավոր է ու արժանի վարձի, ապա գործողը բռնությամբ չի անում, այլ անձնիշխանությամբ:
Զորավոր Սուրբ Աստվածածին եկեղեցի