25 Նոյեմբեր, Բշ
Դարձյալ ասաց. «Մենք պետք է միշտ դիմադրենք մեր թշնամիներին, քանի որ արտաքուստ և ներքուստ կռվում են մեզ հետ: Եվ ինչպես օրինակ՝ նավը երբեմն դրսից է խորտակվում՝ ալիքներից, երբեմն էլ ներսից` բեռներից ծանրանալով, այսպես և մեզ հետ է պատահում՝ երբեմն արտաքին մեղքերից ենք կորչում, երբեմն ներքին խորհուրդներից ենք ավերվում: Մինչդեռ պետք է թե՛ արտաքին մեղքերից զգուշանալ, որ մարդկանցից են գալիս, և թե՛ ներսի կողմից ախտերն արտաքսել և մաքրել»: Եվ նրան ասաց. «Բոլորս էլ գիտենք, որդյա՛կ, թե ինչպես պետք է ապրել, սակայն ծուլությունից հաղթված` պակասում ենք կյանքից»:
«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016
Զորավոր Սուրբ Աստվածածին եկեղեցի