Աստծո արդարամտությունը

Մի դեպք է պատահել սիրիական հայտնի Սուրբ Աստվածածնի Ծննդյան Սայդնայա կանացի մենաստանում: Այնտեղ սովորույթ կա, ըստ որի՝ մարդիկ, ի նշան ուխտի, իրենց հասակի մոմեր են նվիրաբերում: Մի անգամ ժամերգության ժամանակ մի մարդ նման մոմ բերեց և միանձնուհուն խնդրեց վերցնել այն: Երբ նա տվեց այդ մոմն ու եկեղեցու աստիճաններով իջնում էր, հանկարծ սրտի նոպա ունեցավ և տեղում ընկավ: Միանձնուհիները մի քանի անգամ փորձեցին վառել այդ մոմը, սակայն ոչինչ չէր ստացվում (այն ինքն իրեն մարում էր), և այդ պահին ինչ-որ մեկը բղավեց, որ մի մարդ իրեն վատ է զգում: Բոլորը վազեցին այն վայրը, որտեղ ինչպես հետագայում պարզվեց, պառկած էր մահմեդականը, ով բերել էր մոմը: Նա խոսեց միանձնուհիների հետ և ասաց. «Զգուշացե՛ք, իմ բերած մոմի մեջ պայթուցիկ կա», և տեղում մահացավ՝ հենց մենաստանի մուտքի մոտ, աստիճանների վրա:

Ռուսերենից թարգմանությունը՝ Էմիլիա Ապիցարյանի