25 Նոյեմբեր, Բշ
Թեսաղոնիկեում մի արքեպիսկոպոս կար՝ Թալելեոս անունով, որ ո՛չ Աստծուց էր երկնչում, ո՛չ հատուցումից էր զգուշանում: Ոտնակոխ արեց քրիստոնեական ճշմարիտ վարքը և արժեզրկեց քահանայական կարգը, սուրբ և միասնական Երրորդությունն ուրացավ և կուռքերին էր երկրպագում: Եպիսկոպոսները ժողով գումարելով` աստիճանից զրկեցին նրան: Իսկ նա խաբեությամբ ջանում էր կրկին վերստանալ իր կարգը, և ըստ Սողոմոնի խոսքի, թե` ամեն ոք հնազանդվում է ոսկուն, պատրիարքից հրահանգ ստացավ վերադառնալու իր քաղաքը` խաբեությամբ արդարացածը: Սակայն Աստված չանտեսեց իր սուրբ եկեղեցին: Մինչ պատրաստվում էր ճանապարհ ընկնել դեպի իր քաղաք, բնական կարիքից դրդված` գնաց զուգարան: Եվ երբ այնտեղ երկար մնաց` մոտ երկու ժամ, յուրայիններից ոմանք եկան պատճառն իմանալու և գտան այն անարգին՝ գլխիվայր ընկած խողովակի մեջ` ոտքերը վեր: Հանեցին և մեռած գտան նրան հավիտենական մահով:
«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016
Զորավոր Սուրբ Աստվածածին եկեղեցի