26 Նոյեմբեր, Գշ
Գերաշնորհ Սրբազան Հա´յր,
Արարատյան Հայրապետական թեմի քահանայից դասի, ողջ աշխատակազմի և հավատացյալ հայորդիների անունից շնորհավորում ենք Ձերդ Սրբազնության եպիսկոպոսական ձեռնադրության տարեդարձը:
Ձերդ Սրբազնության բարեխնամ առաջնորդությամբ թեմական կառույցները և հավատացյալ ժողովուրդն առաջնորդվում են հոգևոր ու ազգային կյանքի վերարժևորման մշտանորոգ տեսլականով:
Աղոթում ենք, որ Աստված պարգևի քաջառողջություն և անսպառ եռանդ՝ եպիսկոպոսական բարձունքից հովվելու Ձեզ վստահված՝ Քրիստոսի հոտը Սուրբ Հոգու առաջնորդությամբ՝ ի շինություն Արարատյան Հայրապետական թեմի հոգևոր կյանքի, ի զորացումն Առաքելական Մայր Եկեղեցու և ի փառս Աստծո:
Մատչիմք ի համբոյր Ձերդ Սրբազնութեան Սուրբ և Օծեալ Աջոյն
Զորավոր Սուրբ Աստվածածին եկեղեցի