Մի մարդ միլիոնների հասնող կարողություն կուտակեց: Նա որոշեց, որ վերջապես մեկ տարի կհանգստանա աշխատանքից ու շքեղության մեջ կվայելի իր հանգիստը: Բայց չէր հասցրել այս որոշումն ընդունել, երբ մահվան հրեշտակը նրա մոտ եկավ: Արհեստավարժ վաճառական լինելով՝ որոշեց ամեն կերպ համոզել գոնե մի քիչ ժամանակ վաճառել իրեն.
- Ինձ երեք օրվա կյանք տուր, և կարող ես ունեցվածքիս մեկ երրորդը վերցնել:
Հրեշտակը չհամաձայնեց:
- Այդ դեպքում երկու… ո՛չ… երեք միլիոն վերցրու և ընդամենը մեկ օր տուր ինձ, որպեսզի կարողանամ երկրի գեղեցկությամբ հիանալ և այցելել ընտանիքիս, որին մշտական զբաղվածությանս պատճառով վաղուց չեմ տեսել:
Բայց հրեշտակն անդրդվելի էր: Այդժամ մարդը խնդրեց, որ իրեն մի քանի րոպե տա որդուն հրաժեշտի նամակ գրելու համար: Այդ ցանկանությունը բավարարվեց:
«Գնահատի՛ր ժամանակդ,- գրեց նա,- որովհետև աշխարհի ոչ մի գումար ի զորու չէ գնել այն»:
Ռուսերենից թարգմանությունը՝ Էմիլիա Ապիցարյանի
Զորավոր Սուրբ Աստվածածին եկեղեցի