Հաղթահարելու ուղի

Անտառի արահետներով շրջելիս աշակերտը ծեր վարդապետին հարցնում է, թե ի՞նչպես հաղթահարել խոչընդոտները: Վարդապետը պատասխանում է.

- Պարզապես նայիր, թե այս արահետում մրջյուններն ինչպես են գործում: Երբ հանդիպում են խոչընդոտի և պարտվում՝ չեն դադարում գործել, երբ հաղթում են, կրկին չեն դադարում գործել: Նրանք շարժման մեջ են անկախ որևէ դժվարությունից: Այդպես էլ մեր կյանքում խոչընդոտն իսկության մեջ հաղթահարում են նրանք, ովքեր ոչ թե կենտրոնանում են հաջողության կամ ձախողման, նպատակների և երազանքների վրա, այլ անկախ որևէ հանգամանքից՝ մշապես շարժվում են դեպի Երկնավոր Հայրը: Երբ ընկնում ես հոգևոր պատերազմում, ապաշխարության միջոցով մշտապես կանգնիր և շարունակիր Քրիստոսին մոտենալ, այլ ոչ թե կենտրոնացիր, թե նորից ձախողվեցի, կամ հաջողություն ձեռք բերեցի: Այդժամ կլինես խոնարհ և անկոտրում ոգի ունեցող ուժեղ ռազմիկի նման, ում հաղթարշավը պարզապես կանգնեցնել չի լինի...

Հովհաննես Մանուկյան