Հաջորդ թիվը

Տագնապած և վհատված աշակերտը հարցնում է վանահորը.

- Հա՛յր Սուրբ, արդեն վեց անգամ սայթաքեցի և մեղքի մեջ ընկա, ի՞նչ է լինելու իմ վերջը…

Վանահայրը ձեռնափայտով հողի վրա հերթով թվերն է գրում՝ մեկից մինչև վեցը, այնուհետև հարցնում.

- Իսկ սրանից հետո ո՞ր թիվն է հաջորդում:

Աշակերտը պատասխանում է.

- Հաջորդում է յոթ թիվը:

Վանահայրն ասում է.

- Ուրեմն, ինչպես թվերն են անվերջ միմյանց հաջորդում, քանի անգամ ընկնես, վե՛ր կաց և ապաշխարությամբ առա՛ջ շարժվիր. որևէ թվով ոչինչ չի վերջանում, ընդհակառակը, անկմանը հաջորդ թիվը ոտքի կանգնելու՝ հաղթության թիվն է: 

Հովհաննես Մանուկյան