25 Նոյեմբեր, Բշ
Կրոնավորներից մեկը խնդրեց եպիսկոպոսին՝ մենակյաց Թեոփիլոսին, մեկնել առաքյալի խոսքը, որ ասում է. «Գնե՛ք ժամանակը, քանզի օրերը չար են» (Եփես. Ե 16): Ծերն ասաց. «Բնութագրումն իսկ (օրերը չար են) բացահայտում է այդ խոսքի զորությունն ու օգտակարությունը: Հիրավի դա այսպես է. հասավ քեզ վրա արհամարհանքների ժամանակը` գնի՛ր ժամանակը պատկառանքով, խոնարհությամբ և երկայնամտությամբ, և շահ կլինի քո հոգուն: Դարձյալ. հասավ անարգության ժամանակը, դու այդ ժամանակը գնի՛ր անհիշաչարությամբ և հեզությամբ, և օգուտ կքաղես քո հոգու համար: Այսպես ներհակ են միմյանց առաքինություններն ու ախտերը. ախտին ներհակ առաքինությամբ գնե՛նք ախտի շարժվելու ժամանակը և կշինվենք` եթե կամենանք»:
«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016
Զորավոր Սուրբ Աստվածածին եկեղեցի