Դարձյալ ասաց. «Քեզ համար, ո՜վ մարդ, Քրիստոս մարդ եղավ և եկավ աշխարհ, որպեսզի դու փրկվես. մանուկ եղավ, Ով անսկիզբ Աստծո Որդին էր, ընթերցող եղավ, երբ Գիրքը տվեցին, և նա ձեռքն առնելով` կարդաց և ասաց. «Տիրոջ Հոգին ինձ վրա է» (Եսայի ԿԱ 1), կիսասարկավագ եղավ քեզ համար այնժամ, երբ չվանից խարազան սարքեց և տաճարից դուրս հանեց արջառներին ու ոչխարներին, սարկավագ եղավ այնժամ, երբ սրբիչը մեջքին կապեց և աշակերտների ոտքերը լվաց ու պատվիրեց, որ նրանք էլ իրենց ընկերների ոտքերը լվանան, քահանա եղավ այնժամ, երբ նստել էր վարդապետների հետ և լսում էր նրանց ու հարցեր տալիս, եպիսկոպոս և քահանայապետ եղավ այնժամ, երբ օրհնեց հացն ու բաժակը և բաշխեց աշակերտներին, քեզ համար ավազակ եղավ, երբ ավազակ համարվեց. գանահարվեց քեզ համար, խաչվեց, մեռավ, թաղվեց, և այս ամենը կրեց ըստ կարգի: Նա այս ամենը հանձն առավ մեզ համար, իսկ մենք փոքրինչ նախատինք և ամոթանք չենք ուզում կրել Նրա համար: Զգո՛ն և արթո՛ւն լինենք, եղբայրնե՛ր, գնե՛նք մեր անձերի փրկությունը, վարժեցնե՛նք մեզ աղոթքի և ամենայն բարեգործությունների, որպեսզի միշտ Աստծուն հաճելին կատարենք»:
«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016
Զորավոր Սուրբ Աստվածածին եկեղեցի