Տիեզերագնաց մուրճը

Մուրճը որոշեց տիեզերք թռչել:

- Ուրիշները թռչում են, ես ինչո՞վ եմ պակաս: Միաժամանակ աստղերն էլ երկնքին կամրացնեմ, որպեսզի այդքան հաճախակի չընկնեն:

Եվ հնարավոր է, որ թռչեր, բայց չգիտեր, թե ինչպես ժամանակ գտներ ու այնտեղ բարձրանար: Այդպես էլ անդադրում աշխատում էր ցերեկները, իսկ գիշերը պատուհանից նայում ընկնող աստղերին ու հառաչում.

- Է՜հ, որ այնտեղ լինեի…

Եվ զուր էր հառաչում: Նա երկրի վրա էլ շատ անհրաժեշտ էր…

Ռուսերենից թարգմանությունը՝ Էմիլիա Ապիցարյանի