Վարձքն ըստ աշխատանքի է տրվում

Մի անգամ աբբա Եսային գնաց մի հողագործի մոտ ու ասաց.

- Ցորեն տո՛ւր ինձ:

- Իսկ դու ցորեն հնձե՞լ ես, աբբա՛,- հարցրեց հողագործը

- Ո՛չ,- պատասխանեց վանականը:

Հողագործը զարմացած հարցրեց.

- Այդ դեպքում ինչպե՞ս ես ցորեն ես ուզում, եթե չես աշխատել:

- Իսկ մի՞թե չի պատահում, որ չեն աշխատում ու ցորեն են ստանում:

- Ո՛չ, չի՛ պատահում,- պնդեց հողագործը:

Այս պատասխանը լսելուց հետո աբբան ետ վերադարձավ: Նրա հետ եղող եղբայրները խոնարհվեցին աբբա Եսայուն և խնդրեցին բացատրել, թե ինչու այդպես վարվեց:

Աբբան ասաց.

- Որպեսզի իմանաք, որ մարդ Աստծուց վարձք չի ստանա, եթե ամեն ջանք չգործադրի դրա համար:

Ռուսերենից թարգմանությունը՝ Էմիլիա Ապիցարյանի