Գրքեր

Վե՞րջ, թե՞` սկիզբ

Մի հուսահատ մարդ կամրջի վրա ետ ու առաջ քայլելով խոսում է.

- Ամեն ինչ կորցրեցի, թե՛տուն, թե՛ ունեցվածք, թե՛ ընտանիք: Ինչպե՞ս ապրել. ո՛չ աշխատանք ունեմ, ո՛չ էլ փող: Վերջ, ինձ ցած եմ նետում այս կամրջից, ո՞ւմ եմ ես պետք.., ապրելու իմաստ չկա այս կյանքում:

Նկատում է, որ մի կարճահասակ արարած նույնպես մտահոգված այս ու այն կողմ է քայլում:

Մարդը հարցնում է.

- Իսկ դու ո՞վ ես. Դո՞ւ էլ ես եկել քեզ ցած նետելու այստեղից, թե՞ լսեցիր ինչ էի ասում և իմ կյանքի համա՞ր ես մտահոգված:

Արարածը պատասխանում է.

- Մեկ է, չես հավատա, որ իմանաս, թե ով եմ: Ճիշտ կռահեցիր` քո անձով եմ մտահոգված:

Շուտափույթ եկել եմ քեզ խուրհուրդներ տալու: Ասում ես, թե ո՞ւմ ես պետք... Հոգիդ է մեզ պետք, հոգիդ: Այս երկու-երեք ժամ է, ինչ մի մեծ կաթսա եմ հայթայթել, դրա տակ հրաբորբոք կրակ վառել, կաթսան սևաթույր ու լավագույն ձյութով լցրել, եռացրել, իսկ դու դեռ մտածում ես` մեռնել, թե ապրել: Մի փոքր էլ, որ այդպես շարունակես, գուցե և փոշմանես...Մարդը սարսռած ետ-ետ է քայլում ու ասում.

- Իսկ ես գիտեի, թե ամեն ինչ կվերջանա, բայց տեսնում եմ, որ ամեն ինչ սկսվում է այդ վերջով:

Նախքան այստեղ գալը մի գիրք էի կարդում, ուր ասվում էր` նայիր շուրջդ և կտեսնես, թե ինչքան շատ իմաստ կա ապրելու: Միայն այն, որ գեղեցիկ ու նրբագեղ ծաղիկները քո խնամքի կարիքն ուն են, արդեն իսկ նշանակում է` քո կյանքն այս աշխարհում իմաստ ունի: Ավելի լավ է ես գնամ դաշտերում բնակվող ծաղիկներին խնամեմ, քան քեզ լսեմ ու կամրջից ցած նետվելով ուղիղ քո եռացող կաթսայի մեջ հայտնվեմ:

Դևն առաջանալով ասում է.

- Ո՛վ մարդ, չէ՞ որ ո՛չ Աստծուն ես հավատում, ո՛չ էլ սատանային, չէ՞ որ բոլոր պատմածներս հեքիաթներ են, դու միայն քեզ ցած նետիր, ես էլ մեծ սիրով կօգնեմ, չէ՞ որ ես չկամ, գոյություն չունեմ: Թույլ տուր` ես քեզ միայն այստեղից ցած նետեմ ու ամեն ինչ կվերջանա ու կտեսնես վերջը, որտեղից էլ սկսվում է քո վերջը...

Մարդն արագ այդ վայրից հեռանալով՝ պատասխանում է.

- Դու կաս, թե չկաս, չգիտեմ, բայց մի բան հասկացա և գիտեմ, թե որտեղ կա կամք, այնտեղ միշտ կա ճանապարհ և կյանք, ու ամեն մարդ պետք է ձգտի ապրել և հարատևել:

 

Հովհաննես Մանուկյան

 

18.07.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․