Պատասխան – Ոմանք գտնում են, թե Ավետարանը պարզապես ասում է. «Հիսուս մատով գրում էր գետնի վրա»: Բայց ընդունելի՞ է ոմանց այս կարծիքը, թե իբր այնտեղ, ուր այնքան ժողովուրդ կար, լի փոշով, և այդ փոշու վրա մատով գրելով՝ աչքի էին ընկնում գրերը: Կամ, ըստ ուրիշների, Աստվածային Աջը երևացող գույնով էր տպավորում գրված այն գրերը, որպեսզի դյուրությամբ ընթերցվեին: Հիմա պիտի հարցնեք, թե ինչ էր գրված: Երևում է, թե այն ամբաստանող մարդկանց գաղտնի մեղքերի մասին էր գրում, քանզի, ըստ Ավետարանի, առաջին անգամ գրելուց հետո, Հիսուս ասաց. «Ձեզանից անմեղը թող առաջին քարը գցի նրա վրա» և դարձյալ սկսեց գրել: Երբ ամբաստանողները լսեցին այս խոսքերը, ամենքն էլ մեկիկ-մեկիկ այնտեղից հեռացան: Եվ թե ինչի՞ց վախեցան կամ ինչո՞ւ որևէ հարց չկարողացան տալ, պարզ է, նրանցից յուրաքանչյուրն իր գաղտնի մեղքերը գրված տեսավ:
Զորավոր Սուրբ Աստվածածին եկեղեցի