Պատասխան – Սոդոմացիներն ինքնուրույն չնախապատրաստվեցին զղջման, որի համար չարժանացան Աբրահամի աղաչանքների շնորհին և Աստծո ողորմածությանը: Իրենք ևս իրենց համար Աստծուն չաղաչեցին: Ուստի հուսահատ հիվանդների նման դեղի օգուտը չգնահատեցին: Այդպես և արդարների աղաչանքը, եթե վնասի համար է, երբեմն չի ընդունվում, քանզի այդ վնասից մեծ օգուտ պիտի լինի: Պողոս Առաքյալն իր մարմնի խայթի համար երեք անգամ Աստծուն աղաչեց և ընդունելի չեղավ նրա աղաչանքը (Բ Կորնթ. 12:8), քանզի այդ վնասից մեծ օգուտ է առաջ գալիս և Աստծո զորությունն է երևում այդ տկարությունից:
Զորավոր Սուրբ Աստվածածին եկեղեցի