Պատասխան – Բոլոր ազգերի թվականներն իրենց ազգին առնչվող մեկական երևելի իրողություններ ունեն, որից և սկիզբ է առել տվյալ ազգի թվականը: Բայց Ազարիայի փոքր թվականն այդպիսի նշանավոր իրողություն չունի, որի համար և կոչվում է փոքր: Այն վերաբերում է միայն ջուղայեցիներին և սկիզբ է առել տոմարագետ Ազարիա Ջուղայեցուց, քանզի հայոց ՌԾ թվականին պարսից առաջին Շահաբբաս թագավորը գերի վերցրեց Ջուղայի քաղաքացիներին, որ Մեծ Հայքի Վասպուրական աշխարհում էր և տարավ Պարսկաստան: Սպահան քաղաքի մոտ Նոր Ջուղա քաղաքը կառուցել տվեց՝ այդտեղ բնակեցնելով հին Ջուղայից բերած գերիներին:

Երբ արդեն ավարտվել էր քաղաքի կառուցումը և հանգստանում էին, հանդես և ուրախություն արեցին: Նույն Ազարիա անվամբ մարդը փոքր թվական ասվածը հաստատեց, որ իմացվի այն նորաշեն քաղաքում բնակված տարիների քանակը: Հետևաբար, միայն ջուղայեցիներն են գործածում այս թվականը: