Աղանդ հասկացությունը Քրիստոսի ապրած տարիներին չէր գործածվում: Օգտագործվում էր «մոլորեցնող» և «հերձված» հասկացությունները: Ինչպես օրինակ Պողոս առաքյալի Տիմոթեոսին ուղղված առաջին նամակում կարդում ենք. «Բայց Սուրբ Հոգին հայտնապես ասում է, թե վերջին ժամանակներում շատերը կլքեն հավատը՝ ականջ դնելով մոլորեցուցիչ չար ոգիների և դևերի ուսուցումներին, որոնք քարոզվում են կեղծավոր և ստախոս մարդկանց կողմից, որոնց խիղճը խարանված է սատանայի կնիքով» (Ա Տիմ. 4:1, 2, տես նաև Տիտ. 1:10, Բ Հովհ. 1:7):

Եթե քարոզիչը Հայ Առաքելական Եկեղեցու սպասավոր է, ապա բացի եկեղեցուց, այլ շինություններում էլ կարող է քարոզել (ուսումնական հաստատություններ, մշակութային օջախներ): Մնացած դեպքերում, եթե Աստծո խոսքը քարոզողը Հայ Առաքելական Եկեղեցու սպասավոր չէ, ապա ինչպես մեր Տեր Հիսուս Քրիստոսն է ասում. «Զգույշ եղեք սուտ մարգարեներից, որոնք մոտենում են ձեզ ոչխարների զգեստներով, բայց ներսից հափշտակող գայլեր են» (Մտթ. 7:15, 24:11, 24)