Վանքում ապրող եղբայրներից մեկը խրատ խնդրեց աբբա Վիսարիոնից:
Ծերն ասաց.
- Լռություն պահիր ու քեզ ուրիշների հետ մի համեմատիր:
Իգնատի Բրյանչանինովի մեկնաբանությունը
Շատ օգտակար խրատ է: Համայնքային տիպի մենաստաններում հուզումները հիմնականում առաջանում են ուրիշների հետ համեմատվելուց: «Այս եղբորն այս իրն է տրվել: Իսկ ինչո՞ւ ինձ էլ այդ նույնից չի տրվել»,- ասում է անփորձ վանականն՝ իր սրտից հեռացնելով սրբազան խաղաղությունը: Ինքդ քեզ մյուսների հետ համեմատելու հետևանքով առաջացող ինքնագայաթակղումից ու հոգեկան խռովություններից խուսափելու համար, անհրաժեշտ է մշտական իմաստալից խոհական վիճակում մնալ, որ խոնարհությունն է պարգևում, իսկ դրա համար պետք է մշտապես աշխատես ինքդ քեզ վրա: Նաև ինքնակենտրոնացում է պահանջվում, իսկ դրա համար պետք է լռություն պահպանել:
Ռուսերենից թարգմանությունը՝ Էմիլիա Ապիցարյանի
Զորավոր Սուրբ Աստվածածին եկեղեցի